Kerala Weather Update 20/06/26 : തിങ്കൾ മുതൽ മഴ ശക്തിപെടും , ഇന്നും നാളെയും ഇടവേളകൾ പ്രയോജനപ്പെടുത്താം

Kerala Weather Update 20/06/26 : തിങ്കൾ മുതൽ മഴ ശക്തിപെടും , ഇന്നും നാളെയും ഇടവേളകൾ പ്രയോജനപ്പെടുത്താം

കേരളത്തിൽ ഇന്നും ദീർഘമായ ഇടവേളകളോടെ ഒറ്റപ്പെട്ട മഴ തുടരും. ഇന്നും നാളെയും ശേഷിക്കുന്ന പുറം പണികളും മറ്റും ചെയ്തു തീർക്കാനുള്ള മഴയുടെ ഇടവേളകൾ ലഭിക്കും. തിങ്കളാഴ്ച മുതൽ കേരളത്തിൽ വീണ്ടും മഴ പതിയെ ശക്തിപ്പെട്ടു വരാനാണ് സാധ്യത. അറബിക്കടലിൽ കാറ്റ് ശക്തിപ്പെടുന്നതാണ് കാരണം. കടലിലും കരയിലും മഴ സജീവമായി തുടങ്ങും. കാലവർഷത്തിന്റെ സ്വഭാവത്തോടെയാകും മഴ.

കഴിഞ്ഞ ദിവസങ്ങളിൽ കിഴക്കൻ മേഖലകളിൽ അടക്കം ഇടിയോടുകൂടിയുള്ള മഴയാണ് പെയ്തിരുന്നത്. പശ്ചിമവാതത്തിന്റെ (western disturbance) സ്വാധീനമുലം ഉത്തരേന്ത്യയിലെ വരണ്ട കാറ്റ് കേരളത്തിലേക്ക് പ്രവേശിക്കുന്നതാണ് ഇതിന് കാരണമായിരുന്നത്. ദുർബലമായ കാലവർഷക്കാറ്റാണ് (weak monsoon wind) ഉത്തരേന്ത്യൻ കാറ്റ് കേരളത്തിൽ എത്താൻ കാരണമായത്. കാലവർഷക്കാറ്റ് ശക്തിപ്പെടുന്നതോടെ, മഴക്കൊപ്പം ഇടി ഉണ്ടാകുന്നത് ഇല്ലാതെയാകും. 

Metbeat weather ൻ്റെ നിഗമന പ്രകാരം തിങ്കളാഴ്ച (22/06/26 ) പുലർച്ചെ മുതൽ മഴ ലഭിച്ചു തുടങ്ങും. കേരളത്തിലെ എല്ലാ ജില്ലകളിലും മഴ സാധ്യതയുണ്ട്. ചൊവ്വാഴ്ചയോടെ വടക്കൻ ജില്ലകളിൽ മഴ ശക്തിപ്പെടും. മധ്യകേരളത്തിലും ശക്തമായ മഴയുണ്ടാകും. ബുധനാഴ്ചയോടെ മഴ അല്പം കുറഞ്ഞു വെള്ളിയാഴ്ച വീണ്ടും ശക്തിപ്പെടാനുള്ള സാധ്യതയാണ് കാണുന്നത്. 

അടുത്ത വാരാന്ത്യത്തിലും (weekend ) ശക്തമായ മഴ പ്രതീക്ഷിക്കണം. അതിനാൽ വാരാന്ത്യത്തിൽ പുറത്തു പോകാൻ ആഗ്രഹിക്കുന്നവർ കുടുംബസമേതം പോകാൻ നല്ല ദിവസം ഇന്നും നാളെയുമാണ്. അടുത്ത ആഴ്ചകളിൽ മഴയായിരിക്കും. 

നിങ്ങളുടെ പ്രദേശത്തെ കാലാവസ്ഥ തത്സമയം അറിയാൻ Metbeat Weather ൻ്റെ forecast വെബ്സൈറ്റ് metbeat.com  സന്ദർശിക്കുക. കാലാവസ്ഥ അവലോകനങ്ങൾ വായിക്കാൻ metbeatnews.com സന്ദർശിക്കുക.

To Join Our WhatsApp Group : Click here 

English Summary: (From Monday, June 22): Rainfall is expected to gradually intensify starting Monday morning across all districts of Kerala. This shift is triggered by strengthening winds over the Arabian Sea, bringing active, typical monsoon-like weather to both land and sea. delhi ncr imd rain alert 

Live Rain Update 03/08/26 : മധ്യ കേരളത്തിൽ പുലർച്ചെ വരെ മഴ തുടരാൻ സാധ്യത

 മധ്യകേരളത്തിലെ എറണാകുളം തൃശൂർ ഉൾപ്പെടെയുള്ള ജില്ലകളിൽ രണ്ടു മണിക്കൂർ കൂടി മഴ തുടരാൻ സാധ്യത. ശക്തമായ മഴ എറണാകുളം ജില്ലയിൽ താഴ്ന്ന പ്രദേശങ്ങളിൽ വെള്ളം ഉയരാൻ കാരണമാകും. അതിനാൽ ജാഗ്രത പാലിക്കണം. കടലിന് മുകളിൽ നിന്ന് കരയിലേക്ക് നീണ്ട മേഘങ്ങൾ ആണ് എറണാകുളത്തിന്റെ മുകളിൽ ഇപ്പോൾ മഴ നൽകുന്നത്. 

ഇവ പെയ്തു തീരുന്നതോടെ മഴയ്ക്ക് താൽക്കാലിക ശമനം ലഭിക്കും. പുലർച്ചെ വരെ മഴ തുടരാനാണ് സാധ്യത. 

കൂടുതൽ വിവരങ്ങൾ ലൈവ് അപ്ഡേറ്റിൽ ഇവിടെ ലഭിക്കും. ലിങ്ക് ഇടയ്ക്കിടെ റീഫ്രഷ് ചെയ്യുക. പുതിയ അപ്ഡേറ്റുകൾ കാണാം.