WEATHER NEWS AND ANALYSIS
ഇന്ത്യൻ മഹാ സമുദ്രത്തിൽ ഇരട്ട ചുഴലിക്കാറ്റ്: അസാനി തീവ്രമാകും
May 8, 2022, 12:05 p.m.
Metbeat Weather Desk
ബംഗാൾ ഉൾക്കടലിലെ അതി തീവ്ര ന്യൂനമർദം അസാനി ചുഴലിക്കാ കാറ്റായി. പോർട്ട് ബ്ലെയറിന് 380 കി.മീ പടിഞ്ഞാറാണ് അസാനിയുടെ സ്ഥാനം. ശ്രീലങ്കയാണ് ഈ പേര് നിർദേശിച്ചത്. ഉഗ്ര കോപം എന്നാണ് അസാനിയുടെ അർഥം.
വിശാഖപട്ടണത്തു നിന്ന് തെക്കു കിഴക്കായി 970 കി.മീ അകലെയാണ് അസാനി ഇപ്പോഴുളളത്. ഇന്നലെ രാത്രി അതിവേഗം ശക്തിപ്പെട്ടു കൊണ്ടിരുന്ന ന്യൂനമർദ്ദം ഇന്ന് രാവിലെയാണ് ചുഴലിക്കാറ്റായത്. അടുത്ത 24 മണിക്കൂറിൽ അസാനി വീണ്ടും ശക്തിപ്പെട്ട് തീവ്ര ചുഴലിക്കാറ്റാകും. വടക്ക് പടിഞ്ഞാറ് ദിശയിലാണ് നിലവിൽ ചുഴലിക്കാറ്റ് സഞ്ചരിക്കുന്നത്. മെയ് 10 മുതൽ ദിശയിൽ മാറ്റമുണ്ടാകും. ആന്ധ്രപ്രദേശിനും ഒഡിഷക്കും ഇടയിൽ കരകയറാനാണ് സാധ്യത. 80 - 110 കി.മി. വരെ വേഗത്തിൽ കാറ്റ് ചുഴലിക്കാറ്റിന് ഇന്ന് ഉണ്ടാകും. തുടർന്നാണ് തീവ്ര ചുഴലിക്കാറ്റാകുക. കേരളത്തിൽ ഒറ്റപ്പെട്ട മഴക്ക് ഇന്നും നാളെയും അസാനി കാരണമാകും. തീരദേശത്ത് 40-45 കി.മീ വേഗതയിലുള്ള കാറ്റും വിശാം .
ഇന്ത്യൻ മഹാ സമുദ്രത്തിൽ കാരിം എന്ന മറ്റൊരു ചുഴലിക്കാറ്റ് കൂടി രൂപപ്പെട്ടിട്ടുണ്ട്. ഭൂമധ്യരേഖയോട് ചേർന്നാണിത്. കഴിഞ്ഞ ദിവസത്തെ റിപ്പോർട്ടുകളിൽ സൂചിപ്പിച്ചതു പോലെ ഇത് അറബിക്കടലിലെ കാറ്റിനെ സ്വാധീനിക്കുന്നത് മൂലമാണ് കേരളത്തിൽ അസാനിയുടെ പുൾ എഫക്ട് മഴ കുറഞ്ഞത്.
Disclaimer & Credit : This is based on Metbeat Weather’s Observation. Please follow IMD in India or Respective National Forecaster if you are in abroad for official Local Weather forecast and Alerts. Media Requested to Credit Metbeat Weather or metbeat.com
if you use our data and analysis news purpose.
Comments