Jan. 14, 2022, 9:19 p.m.

Metbeat Weather Desk
1901 ന് ശേഷം ഇന്ത്യയില്‍ ചൂടേറിയ അഞ്ചാമത്തെ വര്‍ഷമാണ്  2021 ലെന്ന് റിപ്പോര്‍ട്ട്. കേന്ദ്ര കാലാവസ്ഥാ വകുപ്പിന്റെ കണക്കു പ്രകാരമാണിത്. വാര്‍ഷിക അന്തരീക്ഷ ശരാശരി താപനിലയില്‍ 0.44 ഡിഗ്രി സെല്‍ഷ്യസിന്റെ വര്‍ധനവുണ്ട്. ദീര്‍ഘകാല ശരാശരിയേക്കാളാണ് ഇത്രയും ചൂട് അധികമായി രാജ്യത്ത് രേഖപ്പെടുത്തിയത്. തീവ്രകാലാവസ്ഥാ സാഹചര്യങ്ങള്‍ മൂലം രാജ്യത്ത് 1,750 പേരാണ് കഴിഞ്ഞ വര്‍ഷം മരിച്ചത്. 
1901 ന് ശേഷം ഇത് അഞ്ചാം തവണയാണ് ഏറ്റവും കൂടുതല്‍ ചൂട് രേഖപ്പെടുത്തുന്നത്. 2010, 2017, 2009, 2016 വര്‍ഷങ്ങളിലാണ് ഇതിനു മുന്‍പ് സമാനരീതിയില്‍ ചൂട് കൂടിയത്. ശൈത്യകാലത്തും, കാലവര്‍ഷത്തിനു ശേഷവും ചൂട് കൂടി. 2016 ല്‍ ദീര്‍ഘകാല ശരാശരിയേക്കാള്‍ 0.710 ഡിഗ്രിയായിരുന്നു രാജ്യത്തെ അന്തരീക്ഷ താപനില വര്‍ധനവ്. 2009 ല്‍ 0.550 ഡിഗ്രി സെല്‍ഷ്യസും 2017 ല്‍ 0.541 ഡിഗ്രിയും കൂടിയിരുന്നു. 2010 ല്‍  വര്‍ധനവ് 0.539 ഡിഗ്രി സെല്‍ഷ്യസ് ആയിരുന്നു.
മെറ്റ്ബീറ്റ് വെതറിന്റെ സ്വതന്ത്ര കാലാവസ്ഥാ നിരീക്ഷണത്തെ സാമ്പത്തികമായി സഹായിക്കാന്‍ ഇവിടെ ക്ലിക് ചെയ്യുക. G Pay- 8078148341