WEATHER NEWS AND ANALYSIS
കേരളത്തിലും തണുപ്പെത്തും, 30 ന് ശേഷം ഒറ്റപ്പെട്ട മഴ സാധ്യത
Dec. 24, 2021, 9 p.m.
Metbeat Weather Desk
തുടര്ച്ചയായ പശ്ചിമവാത പ്രവാഹം ഉത്തരേന്ത്യയില് ശൈത്യം വര്ധിപ്പിക്കുന്നു. പുതുവര്ഷം വരെ ഇന്ത്യയുടെ ഏതാണ്ട് മധ്യഭാഗം മുതല് വടക്കോട്ട് കൊടുംശൈത്യം തുടരും. ദക്ഷിണേന്ത്യയിലേക്കും ഉത്തരേന്ത്യയില് നിന്നുള്ള കാറ്റ് പ്രവേശിക്കുന്ന സാഹചര്യമുള്ളതിനാല് ശൈത്യം അനുഭവപ്പെടും. ജമ്മു കശ്മിര്, രാജസ്ഥാന്, ഡല്ഹി, ഉത്തര്പ്രദേശ്, ചത്തീസ്ഗഡ്, മധ്യപ്രദേശ്, ഗുജറാത്ത്, ഒഡിഷ സംസ്ഥാനങ്ങളിലാണ് കൊടും ശൈത്യം അനുഭവപ്പെടുന്നത്. കേരളത്തിലും തണുപ്പിന്റെ ദിനങ്ങളാണ് മുന്നിലുള്ളത്.
തുലാവര്ഷം വിടവാങ്ങിയില്ല
ഓദ്യോഗികമായി തുലാവര്ഷം എന്ന വടക്കുകിഴക്കന് മണ്സൂണ് ഡിസംബര് 30 നാണ് വിടവാങ്ങേണ്ടത്. എന്നാല് കാറ്റിന്റെ ഗതി അനുസരിച്ച് ഇപ്പോഴും തുലാവര്ഷത്തിന്റെ വിന്റ് പാറ്റേണ് മാറ്റംവന്നിട്ടില്ല. കഴിഞ്ഞ 24 മണിക്കൂറില് രാജ്യത്ത് കശ്മിരില് മാത്രമാണ് മഴ റെക്കോര്ഡ് ചെയ്തത്. പശ്ചിമവാതത്തിന്റെ സ്വാധീനംമൂലമാണത്. പുതുവര്ഷം വരെ ദക്ഷിണേന്ത്യയിലും വരണ്ട കാലാവസ്ഥയും തണുപ്പും അനുഭവപ്പെടുന്നതിനുള്ള സാഹചര്യമാണുള്ളത്.
പുതുവര്ഷത്തില് ഒറ്റപ്പെട്ട മഴ സാധ്യത
ജനുവരി 1 ന് ശേഷം കേരളത്തിന്റെ കിഴക്കന് മേഖലയില് നേരിയ തോതിലുള്ള മഴക്ക് സാധ്യതയുണ്ട്. തമിഴ്നാട്ടിലും കൂടുതല് മഴ ഈ സമയം ലഭിക്കാം. പസഫിക്ക് സമുദ്രത്തില് നിന്നുള്ള അന്തരീക്ഷ ഒഴുക്കുകള് സജീവമാകുന്നതാണ് കാരണം. കേരളത്തില് എത്രത്തോളം മഴക്ക് സാധ്യതയുണ്ടെന്ന് അടുത്ത ദിവസങ്ങളിലെ അന്തരീക്ഷ അവലോകനത്തിലേ വ്യക്തമാകൂ.
വായനക്കാര്ക്ക് മെറ്റ്ബീറ്റ് വെതറിന്റെ ക്രിസ്മസ് ആശംസകള്
Comments