WEATHER NEWS AND ANALYSIS
ജവാദ് ദുർബലമായി; കേരളത്തിലെ അന്തരീക്ഷസ്ഥിതി അറിയാം
Dec. 5, 2021, 10:12 a.m.
Metbeat Weather Desk
ബംഗാൾ ഉൾക്കടലിലെ ജവാദ് ചുഴലിക്കാറ്റ് കഴിഞ്ഞ ദിവസം സൂചിപ്പിച്ചത് പോലെ ഇന്ന് പുലർച്ചെയോടെ ദുർബലമായി അതിതീവ്ര ന്യൂനമർദ്ദമായി (Deep Depression) . വീണ്ടും ദുർബലമായി തീവ്ര ന്യൂനമർദ്ദമായി (Depression) ഇന്ന് ഉച്ചയോടെ ഒഡിഷയിലെ പുരിക്ക് സമീപം കരതൊടും. തുടർന്ന് വീണ്ടും ദുർബലമായി ബംഗാൾ ലക്ഷ്യമാക്കി നീങ്ങും.
കേരളത്തിൽ ഒറ്റപ്പെട്ട ഇടിയോടെ മഴ
ജവാദ് (Cyclone Jawad) വടക്കോട്ട് നീങ്ങുന്നതോട കേരളത്തിൽ കാറ്റിന്റെ ഗതി മുറിവ് അനുഭവപ്പെടുന്നുണ്ട്. ഇത് വൈകിട്ട് കിഴക്കൻ മലയോരത്തും വനമേഖലയിലും ഇടിയോടെ മഴക്ക് കാരണമാകും. ഇടനാട്ടിലും തീരദേശത്തും ഇന്ന് മഴ ലഭിക്കണമെന്നില്ല. പകൽ തെളിഞ്ഞ അന്തരീക്ഷമാകും. ബുധനാഴ്ച വരെ രാത്രിയിലും അതി രാവിലെയും തണുപ്പും മൂടൽ മഞ്ഞും പ്രതീക്ഷിക്കാം. തുലാവർഷ മഴയും ഏതാനും ദിവസങ്ങൾക്ക് ശേഷം ലഭിക്കാൻ സാധ്യതയുണ്ട്.
ന്യൂനമർദങ്ങൾക്ക് താൽകാലിക വിരാമം
ന്യൂനമർദ്ദങ്ങൾ, ചുഴലിക്കാറ്റ് സാധ്യത അടുത്ത 10 ദിവസത്തേക്ക് കുറഞ്ഞു. എം.ജെ. ഒ ഫേസ് മാറുന്നതാണ് കാരണം. ഇതോടെ വടക്കുകിഴക്കൻ മൺസൂണിന്റെ ( തുലാവർഷം) കാറ്റ് പഴയ രീതിയിലേക്ക് മാറുന്നതിന് സാധ്യത കാണുന്നുണ്ട്.
Comments