WEATHER NEWS AND ANALYSIS
ന്യൂനമര്ദം വൈകും, മഴ പ്രവചനത്തില് മാറ്റമില്ല
Oct. 10, 2021, 9:38 p.m.
Metbeat Weather Team
വടക്കന് ആന്ഡമാന് കടലില് ഇന്ന് രൂപപ്പെടുമെന്ന് പ്രതീക്ഷിച്ച ന്യൂനമര്ദം ചൊവ്വാഴ്ചയോടെ രൂപപ്പെടും. പസഫിക് സമുദ്രത്തിലെ അന്തരീക്ഷ ഒഴുക്കുകള് ബംഗാള് ഉള്ക്കടലിനെയും സ്വാധീനിക്കുന്ന സാഹചര്യമാണ് ന്യൂനമര്ദ രൂപപ്പെടലിനെ ദുര്ബലമാക്കിയത്. ചൊവ്വാഴ്ചയോടെ രൂപപ്പെടുമെന്ന് പ്രതീക്ഷിക്കുന്ന ന്യൂനമര്ദം ശക്തമായി ആന്ധ്രാപ്രദേശ് തീരം ലക്ഷ്യമാക്കി നീങ്ങാനാണ് സാധ്യത. ഇതിനിടെ ജവാദ് ചുഴലിക്കാറ്റ് രൂപപ്പെടാനുള്ള സാധ്യതയും തള്ളിക്കളയാനാകില്ല.
കേരളത്തിലെ മഴ പ്രവചനത്തില് മാറ്റമില്ല
തിങ്കളാഴ്ച രാത്രി മുതല് കേരളത്തില് പെയ്യുമെന്ന് കഴിഞ്ഞ ദിവസത്തെ അനാലിസിസ് പോസ്റ്റില് പറഞ്ഞ മഴ സാധ്യത മാറ്റമില്ലാതെ തുടരുന്നു. ബംഗാള് ഉള്ക്കടലില് ന്യൂനമര്ദം രൂപപ്പെടല് വൈകിയാലും ഈ സാഹചര്യത്തില് മാറ്റമുണ്ടാകില്ലെന്നും പസഫിക് സമുദ്രത്തിലെ അന്തരീക്ഷ സാഹചര്യമാണ് മഴ പ്രവചനത്തിന് നിതാനമെന്നും ഞങ്ങളുടെ വെതര്മാന് പറയുന്നു. പസഫിക് സമുദ്രത്തിലെ ചുഴലിക്കാറ്റ് ഇപ്പോഴും അറബിക്കടലിലെ കാറ്റിനെ ആകര്ഷിക്കുന്നുണ്ട്. ഈ സാഹചര്യം കേരളത്തില് മഴ വര്ധിപ്പിക്കും. അറബിക്കടലിലും ബംഗാള് ഉള്ക്കടലിലും രൂപപ്പെട്ട ചക്രവാതച്ചുഴികള് അടുത്ത ഏതാനും ദിവസം തുടരും. ഇവ കേരളം, തമിഴ്നാട്, കര്ണാടക, ആന്ഡമാന് നിക്കോബാര് ദ്വീപ് എന്നിവിടങ്ങളില് ഒറ്റപ്പെട്ട കനത്ത മഴ നല്കും. ന്യൂനമര്ദം രൂപപ്പെടാന് വൈകുന്നതിനാല് മഴ നേരത്തെയുള്ള പ്രവചനത്തിന് വിരുദ്ധമായി കൂടുതല് ദിവസം തുടരാനും ഇടയാക്കും.
Photo- Kerala Vacation Ideas
Metbeat Weather ആപ്പ് ഇന്സ്റ്റാള് ചെയ്യാന് ഈ ലിങ്ക് ക്ലിക്ക് ചെയ്യുകയോ ഗൂഗിള് പ്ലേസ്റ്റോറില് മെറ്റ്ബീറ്റ് വെതര് എന്ന് സെര്ച്ച് ചെയ്യുകയോ ചെയ്യാം
Comments