WEATHER NEWS AND ANALYSIS
ന്യൂനമർദ്ദം 5 നകം; കേരളത്തിലെ മഴ സാധ്യത അറിയാം
Sept. 3, 2021, 9:45 p.m.
Metbeat Weather Desk
സെപ്റ്റംബറിലെ ആദ്യ ന്യൂനമര്ദം കഴിഞ്ഞ ആഴ്ചയിലെ അവലോകന റിപ്പോര്ട്ടില് സൂചന നല്കിയതു പോലെ വടക്കന് ബംഗാള് ഉള്ക്കടലില് സെപ്റ്റംബര് 5 ഞായറാഴ്ചയോടെ രൂപപ്പെടും. കരയോട് അടുത്തു രൂപപ്പെടുന്ന ന്യൂനമര്ദം വേഗത്തില് കരകയറുന്നതിനാല് ത്രീവ്രന്യൂനമര്ദമാകാന് ഇടയില്ല. നിലവില് ഒഡിഷ തീരത്തോട് ചേര്ന്ന് ന്യൂനമര്ദം രൂപപ്പെടാനുള്ള അന്തരീക്ഷസ്ഥിതിയാണുള്ളത്. നാളെ വടക്കന് ബംഗാള് ഉള്ക്കടലില് രൂപപ്പെടുന്ന ചക്രവാതച്ചുഴിയാണ് ന്യൂനമര്ദമാകുക. തുടര്ന്ന് സെപ്റ്റംബര് 7 ഓടെ കരകയറും.
ഉത്തരേന്ത്യയില് പ്രളയ സമാന മഴ
തുടര്ച്ചയായ ന്യൂനമര്ദങ്ങള് ഉത്തരേന്ത്യന് സംസ്ഥാനങ്ങളില് പ്രളയസമാന മഴക്ക് കാരണമാകും. മധ്യപ്രദേശ്, ഗുജറാത്ത് സംസ്ഥാനങ്ങള്ക്കാണ് പ്രധാനമായും കനത്ത മഴക്ക് സാധ്യത. നാളെ മ്യാന്മറിലും മറ്റും കനത്ത മഴ ഉണ്ടാകും.
കേരളത്തിലെ മഴ സാധ്യത
കേരളത്തില് ഇന്നും നാളെയും എല്ലാ ജില്ലകളിലും ഒന്നോ രണ്ടോ സ്ഥലത്ത് മഴക്ക് സാധ്യതയുണ്ട്. ഞായറാഴ്ച കാസര്കോട്, കണ്ണൂര്, കോഴിക്കോട്, ഇടുക്കി ജില്ലകളിലാണ് മഴക്ക് കൂടുതല് സാധ്യതയുള്ളത്. തിങ്കളാഴ്ച ഈ ജില്ലകളില് പ്രത്യേകിച്ച് കാസര്കോട്, കണ്ണൂര് ജില്ലകളില് അതിശക്തമായ മഴക്ക് സാധ്യതയുണ്ട്. ചൊവ്വാഴ്ച മുതല് എല്ലാ ജില്ലകളിലും മഴ കുറയും.
Photo - Krishna Kumar
Comments