Metbeat Weather Desk
അമേരിക്കയില്‍ കനത്ത നാശം വിതച്ച് ഇഡ ചുഴലിക്കാറ്റ്. അറ്റ്‌ലാന്റിക് സമുദ്രത്തില്‍ രൂപപ്പെട്ട ഇഡ ചുഴലിക്കാറ്റ് കാറ്റഗറി നാലിലാണ് ഉള്‍പ്പെടുന്നത്. അമേരിക്കയുടെ തെക്കന്‍ തീരത്ത് മണിക്കൂറില്‍ 240 കി.മി വരെ വേഗത്തില്‍ വേഗത കൈവരിച്ച ശേഷമാണ് കരകയറിയത്. ഇന്ത്യന്‍ സമയം ഇന്ന് പുലര്‍ച്ചെയോടെയായിരുന്നു കര കയറല്‍. ഇപ്പോള്‍ ഇഡയുടെ വേഗത 165 കി.മി ആയി കുറഞ്ഞിട്ടുണ്ട്. ഇന്ന് രാത്രിയോടെ 120 കി.മി ആയി വേഗത കുറഞ്ഞ് കാറ്റഗറി ഒന്നിലേക്ക് മാറും. മറ്റൊരു ചുഴലിക്കാറ്റായ നോറ നാളെ അമേരിക്കയുടെ പടിഞ്ഞാറന്‍ തീരത്ത് കരയറും. നിലവില്‍ 100 കി.മി വേഗതയുള്ള നോറ കരകയറുമ്പോള്‍ ദുര്‍ബലമാകുമെന്നാണ് പ്രതീക്ഷ. ജൂലിയന്‍ എന്ന മറ്റൊരു ചുഴലിക്കാറ്റ് കൂടി അറ്റ്‌ലാന്റിക് സമുദ്രത്തില്‍ നിലവിലുണ്ട്. ഗ്രീന്‍ ലാന്റിനെ ലക്ഷ്യമാക്കി നീ്ങ്ങുന്ന ജൂലിയന്‍ കര കയറുമ്പോഴേക്കും ദുര്‍ബലമാകും.
ഇഡ കരകയറിയത് നാശം വിതച്ച്
കനത്ത മഴയും കാറ്റും നല്‍കിയാണ് ഇഡ ചുഴലിക്കാറ്റ് ന്യൂ ഓര്‍ലിയന്‍ തീരത്ത് കരകയറിയത്. ലൂസിയന നഗരത്തെയും ചുഴലിക്കാറ്റ് നാശം വിതച്ചു. 2,450 കൊവിഡ് രോഗികളാണ് ദുരന്തബാധിത സംസ്ഥാനങ്ങളില്‍ ആശുപത്രിയില്‍ കഴിയുന്നത്. പലയിടത്തും വൈദ്യുതി ബന്ധം തകരാറിലായത് കൊവിഡ് ചികിത്സയെയും മറ്റും ബാധിച്ചു. കൂടുതല്‍ നാശനഷ്ടങ്ങളെ കുറിച്ചുള്ള വിവരം ലഭ്യമായിട്ടില്ല. യു.എസ് പ്രസിഡന്റ് ജോ ബൈഡന്‍ വിശേഷ ദുരന്തമായി പ്രഖ്യാപിച്ചു. കൊവിഡ് രോഗികളെ മറ്റു മേഖലകളിലേക്ക് മാറ്റുമെന്ന് ആരോഗ്യ വകുപ്പ് അറിയിച്ചു.
Disclaimer & Credit : This is based on Metbeat Weather’s Observation. Please follow IMD in India or Respective National Forecaster if you are in abroad for official Local Weather forecast and Alerts. Media Requested to Credit Metbeat Weather or metbeat.com
if you use our data and analysis news purpose.
Comments