WEATHER NEWS AND ANALYSIS
ഒഡിഷക്ക് സമീപം ന്യൂനമര്ദം രൂപപ്പെട്ടു, ഓണം വെളുക്കും
Aug. 16, 2021, 8:30 p.m.
Metbeat Weather Desk
ഓഗസ്റ്റ് മാസത്തെ ആദ്യ ന്യൂനമര്ദം വടക്കുപടിഞ്ഞാറന് ബംഗാള് ഉള്ക്കടലില് ഭൂവനേശ്വര് തീരത്തായി രൂപപ്പെട്ടു. ന്യൂനമര്ദവുമായി ബന്ധപ്പെട്ട ചക്രവാതച്ചുഴി ട്രോപോസ്ഫിയറിന്റെ മധ്യ പാളികളിലും സജീവമായി നിലകൊള്ളുന്നതിനാല് ഇന്നു മുതല് കിഴക്കന് തീരത്തും വടക്കുകിഴക്കന് സംസ്ഥാനങ്ങളിലും മഴ സജീവമാകും. നാളെത്തന്നെ ന്യൂനമര്ദം ഒഡിഷ തീരം കടന്ന് ഒഡിഷ, ചത്തീസ്ഗഡ്, മധ്യപ്രദേശ്, ഉത്തര്പ്രദേശ് മേഖലകളിലൂടെ സഞ്ചരിക്കും. ആന്ധ്രാപ്രദേശ്, തെലങ്കാന, മഹാരാഷ്ട്ര, ഗുജറാത്ത്, രാജസ്ഥാന്, ഡല്ഹി, ഉത്തരാഖണ്ഡ്, വടക്കുകിഴക്കന് സംസ്ഥാനമായ സിക്കം, ബംഗാള്, മേഖലയില് കനത്ത മഴയുണ്ടാക്കും. മണ്സൂണ് ട്രഫിന്റെ കിഴക്കന് അഗ്രം നോര്മല് പൊസിസഷനില് തുടരുന്നതിനാല് ഈ മേഖലകളില് പ്രാദേശിക പ്രളയത്തിന് സാധ്യതയുണ്ട്. രാജ്യത്താകമാനം മണ്സൂണ് മഴക്കുറവ് 8 ശതമാനമാണ്. അടുത്ത ഏതാനും ദിവസത്തിനകം ഇത് പകുതിയായി കുറയുമെന്നാണ് പ്രതീക്ഷ. ഉത്തരേന്ത്യന് സംസ്ഥാനങ്ങളില് തുടര്ന്നുള്ള ദിവസങ്ങളിലും മഴ ശക്തിപ്പെടാന് ന്യൂനമര്ദം കാരണമാകും.
കേരളത്തില് ഒറ്റപ്പെട്ട മഴ
ന്യൂനമര്ദം കരകയറി മധ്യ ഇന്ത്യയിലേക്ക് സഞ്ചരിക്കുമ്പോള് കേരളത്തില് എല്ലാ ജില്ലകളിലും ഒറ്റപ്പെട്ട മിതമായ തോതില് മഴ ലഭിക്കും. ബുധനാഴ്ചയാകും ന്യൂനമര്ദ സ്വാധീനം മൂലമുള്ള മഴ ലഭിക്കുക. തെക്കന് കേരളത്തിലും വടക്കന് ജില്ലകളിലുമാണ് കൂടുതല് മഴ സാധ്യത. വ്യാഴാഴ്ചയും സമാന രീതിയില് മഴയുണ്ടാകും. ഒറ്റപ്പെട്ട മഴക്കിടയില് ദീര്ഘനേരം ഇടവേള പ്രതീക്ഷിക്കാം.
ഉത്രാടം
ഉത്രാടം നാളില് ന്യൂനമര്ദം മധ്യ ഇന്ത്യയിലെത്തുമെന്ന് പ്രതീക്ഷിക്കുന്നതിനാല് മഴക്ക് കുറവുണ്ടാകും. പലപ്പോഴും തെളിഞ്ഞ ആകാശം വരെ ഉത്രാടത്തിന് പ്രതീക്ഷിക്കാം. ന്യൂനമര്ദത്തിന്റെ പ്രതീക്ഷിക്കുന്ന സഞ്ചാരപാത, ദിശ സ്ഥാനം എന്നിവ അടിസ്ഥാനപ്പെടുത്തിയാണ് ഈ നീരീക്ഷണം.
തിരുവോണം
വടക്കന് ജില്ലകളില് ഒറ്റപ്പെട്ട മഴ, ഓണാഘോഷം തടസ്സപ്പെടുത്തുന്ന മഴ പ്രതീക്ഷിക്കുന്നില്ല. ഉച്ചയ്ക്ക് ശേഷമാകും മഴ. മലയോര മേഖലകളില് കൂടുതല് സാധ്യത.
അവിട്ടം
മൂന്നാം ഓണമായ അവിട്ടത്തിന് കിഴക്കന് അതിര്ത്തി മേഖലകളില് രാത്രിയോ വൈകിട്ടോ ഇടിയോടുകൂടെ മഴക്് സാധ്യത. തമിഴ്നാട്ടില് അന്ന് വ്യാപകമായി മഴ സാധ്യതയുണ്ട്.
ചതയം
നാലാം ഓണത്തിന് തെക്കന് കേരളത്തില് കിഴക്കന് അതിര്ത്തി മേഖലകളില് ഇടിയോടുകൂടെ മഴക്ക് സാധ്യത.
നിങ്ങളുടെ ഏറ്റവും അടുത്തുള്ള വെതര് സ്റ്റേഷനിലില് നിന്നുള്ള ഏറ്റവും പുതിയ കാലാവസ്ഥാ വിവരങ്ങള് മെറ്റ്ബീറ്റ് വെതര് ആപ്പ് വഴി അറിയാനാകും. വിശദമായ അനാലിസ് ഫേസ്ബുക്കില് ലഭ്യമാകാന് ഞങ്ങളുടെ ഫേസ്ബുക്ക് പേജ് ലൈക്ക് ചെയ്തു എന്നു ഉറപ്പുവരുത്തുക
Comments