WEATHER NEWS AND ANALYSIS
ഓഗസ്റ്റ് 4 മുതല് വടക്കന് കേരളത്തിലും 6 ന് ശേഷം മധ്യ ജില്ലകളിലും മഴ സജീവമാകും
Aug. 2, 2021, 6:14 p.m.
Metbeat Weather Desk
ഓഗസ്റ്റ് 4 നും 12 നും ഇടയില് മധ്യ, വടക്കന് കേരളത്തില് ശക്തമായ മഴക്ക് സാധ്യത. കാസര്കോട്, കണ്ണൂര്, കോഴിക്കോട്, വയനാട് ജില്ലകളിലും ഇടുക്കി, എറണാകുളം ജില്ലയുടെ കിഴക്ക്, പത്തനംതിട്ട ജില്ലകളിലും ശക്തമായ മഴ ലഭിക്കും. മറ്റു ജില്ലകളിലും മഴ ശക്തിപ്പെടും. നിലവില് ന്യൂനമര്ദം മധ്യപ്രദേശില് സജീവമായി തുടരുന്നതിനാല് ഉത്തര്പ്രദേശ്, ഡല്ഹി സംസ്ഥാനങ്ങളില് മഴ തുടര്ന്നുള്ള ദിവസങ്ങളില് ശക്തമാകും. രണ്ടു ദിവസം കൂടി ഈ മേഖലയില് മഴ ശക്തിപ്പെട്ട ശേഷം തുടര്ന്ന് മഴ കേരളം ഉള്പ്പെടെയുള്ള തെക്കന് സംസ്ഥാനങ്ങളിലേക്ക് നീങ്ങുമെന്നാണ് ഇപ്പോഴത്തെ അന്തരീക്ഷസ്ഥിതി സൂചിപ്പിക്കുന്നത്. ഓഗസ്റ്റില് വടക്കന് കേരളം, മധ്യ കേരളം എന്നിവിടങ്ങളിലാണ് സാധാരണയില് (പ്രതിമാസ ശരാശരിയേക്കാള് ) കൂടുതല് മഴ ലഭിക്കുക. തെക്കന് ജില്ലകളില് മഴ താരതമ്യേന കുറവാകും. ഓഗസ്റ്റ് 4 മുതല് കര്ണാടകയിലെ മിക്ക ജില്ലകളിലും വടക്കന് തമിഴ്നാട്ടിലും ഇടിയോടു കൂടെ മഴ ലഭിക്കും. ചെന്നൈ, ബംഗളൂരു, മൈസൂരു നഗരങ്ങളിലും ഈ കാലയളവില് മഴ പ്രതീക്ഷിക്കാം.
Photo Courtesy- Mint
നിങ്ങളുടെ ഏറ്റവും അടുത്തുള്ള വെതര് സ്റ്റേഷനിലില് നിന്നുള്ള ഏറ്റവും പുതിയ കാലാവസ്ഥാ വിവരങ്ങള് മെറ്റ്ബീറ്റ് വെതര് ആപ്പ് വഴി അറിയാനാകും. വിശദമായ അനാലിസ് ഫേസ്ബുക്കില് ലഭ്യമാകാന് ഞങ്ങളുടെ ഫേസ്ബുക്ക് പേജ് ലൈക്ക് ചെയ്തു എന്നു ഉറപ്പുവരുത്തുക
Comments