Metbeat Weather Desk
വടക്കന്‍ കേരളത്തിലും തെക്കന്‍ ജില്ലകളിലും ഇന്ന് ഒറ്റപ്പെട്ട മഴക്ക് സാധ്യത. വൈകിട്ടോ രാത്രിയോ കോഴിക്കോട്, കണ്ണൂര്‍, വയനാട്, മലപ്പുറം ജില്ലകളിലും എറണാകുളം, ആലപ്പുഴ, ഇടുക്കി ഹൈറേഞ്ച്, പത്തനംതിട്ട, കോട്ടയം കൊല്ലം ജില്ലകളിലും ഒറ്റപ്പെട്ട പ്രദേശങ്ങളില്‍ ഇടത്തരം മഴയോ ശക്തമായ മഴയോ പ്രതീക്ഷിക്കാം. മഴക്കൊപ്പം ഇടിയും ഉണ്ടായേക്കും. മറ്റു ജില്ലകളിലും ചാറ്റല്‍ മഴയോ ഇടത്തരം മഴയോ പ്രതീക്ഷിക്കാം.

നാളെയും പരക്കെ മഴക്ക് സാധ്യത
നാളെ (ചൊവ്വ)യും ബുധനും കേരളത്തെ നേരത്തെ മെറ്റ്ബീറ്റ് വെതറിന്റെ പോസ്റ്റുകളില്‍ പറഞ്ഞതുപോലെ പരക്കെ മഴക്ക് സാധ്യതയുണ്ട്. കിഴക്കന്‍ കാറ്റ് ശക്തമാകുന്നതാണ് കാരണം. ഇതേകുറിച്ച് അറിയാന്‍ കഴിഞ്ഞ ദിവസങ്ങളിലെ പോസ്റ്റ് വായിക്കുക. അതിനായി  ഇവിടെ ക്ലിക്ക് ചെയ്യാം. ചൊവ്വാഴ്ച വടക്കന്‍ കേരളത്തിലെ എല്ലാ ജില്ലകളിലും മഴക്ക് അനുകൂലമായ അന്തരീക്ഷസ്ഥിതിയാണെന്ന് മെറ്റ്ബീറ്റ് വെതറിലെ മീറ്റിയോറളജിസ്റ്റ് പറയുന്നു. തൃശൂര്‍ മുതല്‍ വടക്കോട്ടുള്ള എല്ലാ ജില്ലകളിലും മഴ ലഭിക്കും. കണ്ണൂര്‍, കോഴിക്കോട്, മലപ്പുറം ജില്ലകളിലാണ് കൂടുതല്‍ മഴ സാധ്യത. പാലക്കാട്, തൃശൂര്‍ ജില്ലകളില്‍ കാറ്റിന്റെ വേഗത കൂടുതലയതിനാല്‍ ശക്തമായ മഴ പെയ്യുമെന്ന് പ്രതീക്ഷിക്കാനാകില്ല. കാറ്റിന്റെ വേഗതയില്‍ കുറവ് വന്നാല്‍ ഇവിടെയും മഴ ലഭിക്കും. 
എറണാകുളം, ഇടുക്കി ജില്ലകളിലും തെക്കന്‍ കേരളത്തിലും ഒറ്റപ്പെട്ട ഇടത്തരം മഴയാണ് പ്രതീക്ഷിക്കുന്നത്. ചിലയിടങ്ങളില്‍ മാത്രം കേന്ദ്രീകരിച്ച് ശക്തമായതോ ഇടത്തരം മഴയോ ലഭിക്കും. 
നിങ്ങളുടെ പ്രദേശത്തെ തല്‍സമയ അന്തരീക്ഷസ്ഥിതി, അടുത്ത രണ്ടാഴ്ചത്തെ പ്രതിദിന കാലാവസ്ഥാ പ്രവചനം ലൊക്കേഷന്‍ നല്‍കി നിങ്ങള്‍ക്ക് ഞങ്ങളുടെ വെബ്‌സൈറ്റില്‍ സെര്‍ച്ച് ചെയ്യാം. അതിനായി ഇവിടെ ക്ലിക്ക് ചെയ്യുക. മഴയുടെ തല്‍സമയ റഡാര്‍ ചിത്രങ്ങളും ലഭ്യമാണ്. ഏറ്റവും പുതിയ അപ്‌ഡേഷനുകള്‍ക്ക് ഞങ്ങളുടെ വെബ്‌സൈറ്റും ഫേസ്ബുക്ക് പേജും പിന്തുടരുക.

ഞങ്ങളുടെ സംരഭത്തെ നിങ്ങള്‍ക്കും സഹായിക്കാം , ഇവിടെ ക്ലിക്ക് ചെയ്യുക.