WEATHER NEWS AND ANALYSIS
കേരളത്തില് മഴ തുടരും, മറ്റു സംസ്ഥാനങ്ങളിലും ഗള്ഫിലും മഴ
May 6, 2021, 5:24 p.m.
Metbeat Weather Desk
സംസ്ഥാനത്ത് ഇന്നു മുതല് വേനല് മഴ സജീവമാകും.അന്തരീക്ഷ സ്ഥിതി കേരളത്തില് മാത്രമല്ല രാജ്യവ്യാപകമായി പ്രീ മണ്സൂണ് മഴക്കുള്ള അനുകൂല സ്ഥിതിയിലാണ്. കേരളത്തിനു പുറമേ മറ്റു സംസ്ഥാനങ്ങളിലും മഴ ശക്തിപ്പെടും. ഇപ്പോഴത്തെ ഉപഗ്രഹ ഡാറ്റകളിലും വിന്റ് പാറ്റേണിലും ഇതു വ്യക്തമാണ്. മണ്സൂണിന് അനുകൂലമായ അന്തരീക്ഷസ്ഥിതി ഇന്ത്യന് മഹാസമുദ്രത്തിലും ഒരുങ്ങുന്നുണ്ട്. ഈ വര്ഷം മണ്സൂണ് നേരത്തെ എത്തുമെന്ന സൂചനകളാണ് ദൃശ്യമാകുന്നതെങ്കിലും കഴിഞ്ഞ ദിവസങ്ങളില് മെറ്റ്ബീറ്റ് വെതര് വ്യക്തമാക്കിയതുപോലെ ജൂണ് തുടക്കത്തിലേ കേരളത്തില് മണ്സൂണ് എത്തൂ എന്നാണ് ഇപ്പോഴത്തെ നിരീക്ഷണം. അടുത്തയാഴ്ച മണ്സൂണ് എപ്പോഴെത്തുമെന്ന കാര്യത്തില് വിശദമായ അവലോകനം നല്കാനാകും.
കേരളത്തില് മഴ തുടരും
സംസ്ഥാനത്ത് വേനല്മഴക്ക് അനുകൂലമായ അന്തരീക്ഷസ്ഥിതി തുടരുന്നതിനാല് ഇന്നും രാത്രിയും പുലര്ച്ചെയുമായി മഴയുണ്ടാകും. വടക്കന് കേരളത്തില് തിരൂര് മുതല് കാഞ്ഞങ്ങാട് വരെയുള്ള തീരദേശത്തും നിലമ്പൂര് മുതല് കണ്ണൂരിലെ പയ്യാവൂര് വരെയുള്ള കിഴക്കന് മേഖലകളിലും ഇന്നു മഴക്ക് സാധ്യതയുണ്ട്. രാത്രി വൈകിയാകും മഴ ലഭിക്കുക. മധ്യ കേരളത്തില് കോതമംഗലം, മൂവാറ്റുപുഴ, കുട്ടമ്പുഴ, പിറവം പാലിക്കര, അങ്കമാലി, പെരിങ്ങല്ക്കുത്ത് എന്നിവിടങ്ങളിലും ശക്തമല്ലെങ്കിലും മഴ സാധ്യതയുണ്ട്. കായംകുളം മുതല് ആര്ത്തുങ്കല് വരെ തിരുവല്ല ഉള്പ്പെടെ മേഘസാന്നിധ്യം ഉണ്ടെങ്കിലും മഴ സാധ്യത കുറവാണ്. ചില മേഖലകളില് ഭൂമിശാസ്ത്രപരമായ പ്രത്യേകതകള് കൊണ്ട് മഴ ലഭിക്കാം. തെക്കന് കേരളത്തില് തിരുവനന്തപുരം, കൊല്ലം ജില്ലകളില് ഇന്ന് രാത്രി വൈകി മഴ സാധ്യത നിലനില്ക്കുന്നു.
മറ്റുസംസ്ഥാനങ്ങളിലും ഗള്ഫിലും
കേരളത്തിനു പുറമെ തമിഴ്നാട്ടിലെ മധുരൈ, കോവില്പട്ടി, ഉസിലാംപട്ടി, തേനി, കര്ണാടകയിലെ ചിക്കമംഗളൂരു, ബെല്ലാരി, ആന്ധ്ര, തെലങ്കാന എന്നിവിടങ്ങളിലെ വാറങ്കല്, വിശാഖപട്ടണം, ശ്രീകാകുളം, മഹാരാഷ്ട്രയിലെ പൂനെ, ഷോളാപുര്, സതാര എന്നിവിടങ്ങളിലും ഇന്ന് ഇടിയോടുകൂടെ വേനല് മഴ പ്രതീക്ഷിക്കാം. ഗള്ഫില് ഒമാന്, യു.എ.ഇ, സൗദിയുടെ കിഴക്കന് മേഖല എന്നിവിടങ്ങളില് മഴയും കാറ്റും ദുര്ബലമാകുമെങ്കിലും തുടരും. കഴിഞ്ഞ ദിവസം കനത്തമഴയും കാറ്റും ഉണ്ടായ ഒമാനിലെ മസ്കത്ത്, സൊഹാര്, റുഷ്താഖ്, ഇബ്രി, സൂര് എന്നിവിടങ്ങളില് ഇന്നും നാളെയും ഒറ്റപ്പെട്ട മഴ സാ്്ധ്യതയുണ്ട്. യു.എ.ഇയില് അബൂദബി, അല്ഐന്, ഹമീം എന്നിവിടങ്ങളില് കാറ്റിനും മഴക്കും സാധ്യതയുണ്ട്. ഇവിടെ മേഘാവൃതമായ അന്തരീക്ഷമുണ്ടാകും.
Photo- Subhash Dev
നിങ്ങളുടെ പ്രദേശത്തെ കാലാവസ്ഥാ പ്രവചനം ലൊക്കേഷന് അടിസ്ഥാനമാക്കി കൂടുതല് കൃത്യതയോടെ അറിയാന് ഞങ്ങളുടെ മൊബൈല് ആപ്പ് ഇന്സ്റ്റാള് ചെയ്യുക. അതിനായി ഇവിടെ ക്ലിക്ക് ചെയ്യുക.
Comments