WEATHER NEWS AND ANALYSIS
അസമില് 11 തുടര് ചലനങ്ങള്, രണ്ടു മരണം
April 28, 2021, 9:11 p.m.
Metbeat Weather Desk
അസമില് ഇന്ന് രാവിലെയുണ്ടായ ശക്തമായ ഭൂചലനത്തിന് പിന്നാലെ 11 തുടര് ചലനങ്ങള്. ഭൂചലനത്തെ തുടര്ന്നുള്ള പരിഭ്രാന്തിയില് രണ്ടു പേര് ഹൃദയാഘാതം മൂലം മരിച്ചതായും റോഡുകളും കെട്ടിടങ്ങളും തകര്ന്നതായും ദേശീയ മാധ്യമങ്ങള് റിപ്പോര്ട്ട് ചെയ്തു.
11 തുടര് ചലനങ്ങള്
രാവിലെ 7.51 ഓടെ സോനിത് പൂരിലാണ് 6.4 തീവ്രത രേഖപ്പെടുത്തിയ ഭൂചലനമുണ്ടായത്. തുടര്ന്ന് എട്ടിന് 4.7 ഉം 8.13 ന് 4 ഉം തീവ്രതയുള്ള ഭൂചലനങ്ങളുണ്ടായി. തുടര്ന്ന് 3 ല് കൂടുതല് തീവ്രതയുള്ള ഏഴു തുടര് ചലനങ്ങളും രണ്ടില് കൂടുതല് തീവ്രതയുള്ള മൂന്നു ചലനങ്ങളും രേഖപ്പെടുത്തി.
കൊവിഡ് നിയന്ത്രണങ്ങള്ക്കിടെ അസമിലുണ്ടായ ഭൂചലനം ജനങ്ങളില് പരിഭ്രാന്തി പരത്തി. പലരും വീടുവിട്ടോടി. മേഘാലയയിലും ഭൂചലനം അനുഭവപ്പെട്ടെങ്കിലും പ്രഭവകേന്ദ്രം അസമിലായിരുന്നു. വിവിധ ഏജന്സികളുടെ നിഗമന പ്രകാരം നിന്ന് 17 കി.മി ആഴത്തിലാണ് പ്രഭവ കേന്ദ്രം. തേസ്പൂരിന് 43 കി.മി അകലെയാണ് പ്രഭവകേന്ദ്രം. ദേശീയ ഭൂചലന നിരീക്ഷണ കേന്ദ്രം 6.4 തീവ്രത രേഖപ്പെടുത്തിയതായി വ്യക്തമാക്കിയെങ്കിലും യു.എസ് നാഷനല് ജിയോളജിക്കല് സര്വേ തീവ്രത 6 ആണെന്നും യൂറോപ്യന് മെഡിറ്റേറിയന് സീസ്മോളജിക്കല് സെന്റര് 6.2 ഉം ആണ് തീവ്രത റിപ്പോര്ട്ട് ചെയ്തത്.
നിങ്ങളുടെ പ്രദേശത്തെ കാലാവസ്ഥാ പ്രവചനം ലൊക്കേഷന് അടിസ്ഥാനമാക്കി കൂടുതല് കൃത്യതയോടെ അറിയാന് ഞങ്ങളുടെ മൊബൈല് ആപ്പ് ഇന്സ്റ്റാള് ചെയ്യുക. അതിനായി ഇവിടെ ക്ലിക്ക് ചെയ്യുക.
Comments