WEATHER NEWS AND ANALYSIS
കടല് ശാന്തമായി മാര്ച്ചും ഏപ്രിലും അടുത്ത മാസം സജീവമാകും
April 23, 2021, 6:04 p.m.
Metbeat Weather Desk
ഇന്ത്യന് സമുദ്രങ്ങളില് ചുഴലിക്കാറ്റ് രൂപം കൊള്ളാതെ മാര്ച്ചും ഏപ്രിലും. പ്രീ മണ്സൂണ് സീസണായ മാര്ച്ച് മുതലാണ് സാധാരണ ഇന്ത്യന് സമുദ്രതീരങ്ങളില് ന്യൂനമര്ദവും ചുഴലിക്കാറ്റും രൂപം കൊള്ളുന്നത്. ഈ മാസം 30 വരെയും ന്യൂനമര്ദ സാധ്യത നിലവിലില്ല. സമുദ്രോപരിതാപനിലയിലെ വ്യതിയാനമാണ് പ്രധാനകാരണം.
മെയ് മാസത്തില് കടല് സജീവമാകും
മെയ് മാസത്തില് ബംഗാള് ഉള്ക്കടലില് കൂടുതല് ന്യൂനമര്ദങ്ങളും ചുഴലിക്കാറ്റും രൂപം കൊള്ളാന് സാധ്യതയുണ്ട്. ഈ മാസം അവസാനത്തോടെ എം.ജെ.ഒ ഇന്ത്യന് മഹാസമുദ്രത്തിലെത്തും. വേനല് മഴ സജീവമാകുന്ന മെയ് മാസത്തില് ഭൂമധ്യരേഖാ സംയോജന രേഖയുടെ സാന്നിധ്യവും സജീവമാകും. എന്നാല് ഇപ്പോള് ബംഗാള് ഉള്ക്കടലിലും അറബിക്കടലിലും ന്യൂനമര്ദ സൂചനകളൊന്നുമില്ല. അതിനാല് തന്നെ ന്യൂനമര്ദത്തെ തുടര്ന്നുള്ള മഴക്കും സാധ്യതയില്ല. എന്നാല് ന്യൂനമര്ദ പാത്തിയുടെയും കാറ്റിന്റെ ഗതിമുറിവും എല്ലാം തുടര്ന്നും വേനല് മഴക്ക് കാരണമാകും. ഒറ്റപ്പെട്ട മഴ ഈ ആഴ്ചയും തുടരുകയും ചെയ്യും. അടുത്തമാസത്തോടെ ബംഗാള് ഉള്ക്കടലില് ചക്രവാതച്ചുഴികള് രൂപപ്പെട്ടു തുടങ്ങും. ഇത് ചുഴലിക്കാറ്റാകുമോയെന്നും ഏതു ദിശയില് സഞ്ചരിക്കുമെന്നും ഈ ഘട്ടത്തില് പറയാനാകില്ല. ശ്രീലങ്കയിലും തെക്കേ ഇന്ത്യയിലും അടുത്തമാസം ന്യൂനമര്ദങ്ങളുടെ ഭാഗമായുള്ള മഴ ഉണ്ടാകുമെന്ന് പ്രതീക്ഷിക്കാം.
നിങ്ങളുടെ പ്രദേശത്തെ കാലാവസ്ഥാ പ്രവചനം ലൊക്കേഷന് അടിസ്ഥാനമാക്കി കൂടുതല് കൃത്യതയോടെ അറിയാന് ഞങ്ങളുടെ മൊബൈല് ആപ്പ് ഇന്സ്റ്റാള് ചെയ്യുക. അതിനായി ഇവിടെ ക്ലിക്ക് ചെയ്യുക.
Comments