WEATHER NEWS AND ANALYSIS
വടക്കന് ജില്ലകളിലിലേക്കും വേനല് മഴ , തെക്ക് ചൂടിനാശ്വാസം
April 7, 2021, 12:02 p.m.
Metbeat Weather Desk
തെക്കന് കേരളത്തില് സജീവമായ വേനല്മഴ വടക്കന് ജില്ലകളിലേക്കും. ഇന്നു മുതല് വടക്കന് കേരളത്തില് വേനല്മഴക്ക് അനുകൂല സാഹചര്യം ഒരുങ്ങും. മലപ്പുറം ജില്ലയുടെ കിഴക്കന് മേഖല, കോഴിക്കോട്, കണ്ണൂര്, കാസര്കോട് ജില്ലകളിലാണ് മഴക്ക് സാധ്യത. വയനാട്ടില് മഴ കുറയും. മലപ്പുറം ജില്ലയുടെ കിഴക്കാണ്് കൂടുതല് മഴക്ക് സാധ്യത. ഇതോടൊപ്പം തെക്കന് ജില്ലകളില് മഴ വിട്ടു നില്ക്കില്ല. ആലപ്പുഴ, കോട്ടയം, പത്തനംതിട്ട, ഇടുക്കി ജില്ലയുടെ ചിലഭാഗങ്ങള് എന്നിവിടങ്ങളിലും മഴ ലഭിക്കും.
വെള്ളിയാഴ്ച രാത്രി വൈകിയും ശനിയാഴ്ച പുലര്ച്ചെയും കേരളത്തില് മിക്ക ജില്ലകളിലും ഒറ്റപ്പെട്ട മഴക്ക് സാധ്യതയുണ്ട്. ശനിയാഴ്ചയും തെക്കന് ജില്ലകളെ അപേക്ഷിച്ച് കൂടുതല് മഴ പ്രതീക്ഷിക്കുന്നത് മധ്യ, വടക്കന് ജില്ലകളിലാണ്. ഞായറാഴ്ചയും വടക്കന് ജില്ലകളില് മഴ പ്രതീക്ഷിക്കാം.
ചൂടിന് നേരിയ ആശ്വാസം
ശക്തമായ വേനല്മഴ ലഭിക്കുന്ന പ്രദേശങ്ങളില് വേനല്ചൂടിന് നേരിയ ആശ്വാസമുണ്ടാകും. എന്നാല് പകല് വെയിലിന് കാഠിന്യം കൂടുന്നതിനാല് നേരിട്ട് വെയില്ക്കൊള്ളുന്നത് ആരോഗ്യ പ്രശ്നങ്ങളുണ്ടാക്കും. അതിനിടെ വേനല് തുടക്കം മുതല് ഏറ്റവും കൂടുതല് ചൂട് രേഖപ്പെടുത്തിയ ആലപ്പുഴയിലും കോട്ടയത്തും വേനല്മഴയെ തുടര്ന്ന് ചൂടിന് ആശ്വാസമുണ്ട്. ഇരു സ്റ്റേഷനുകളിലും ശരാശരിയേക്കാള് രണ്ട് ഡിഗ്രി താപനിലയാണ് ഇന്നലെ രേഖപ്പെടുത്തിയത്. 3 ഡിഗ്രിയില് കൂടുതല് വര്ധനവ് അനുഭവപ്പെട്ട സ്റ്റേഷനുകളാണിത്. ആലപ്പുഴയില് 35.4 ഉം കോട്ടയത്ത് 36 ഡിഗ്രിയും. പുനലൂരില് 37 ഡിഗ്രി താപനില രേഖപ്പെടുത്തി. അവിടെ ശരാശരിയേക്കാള് ഒരു ഡിഗ്രിയാണ് താപനില കൂടിയത്. തിരുവനന്തപുരത്ത് 33.6 ഡിഗ്രി, കൊച്ചിയില് 33.4, കോഴിക്കോട് 34.6, കണ്ണൂര് 35 ഡിഗ്രിയാണ് താപനില രേഖപ്പെടുത്തിയത്. ഇവിടങ്ങളിലെല്ലാം ശരാശരിയേക്കാള് ഒരു ഡിഗ്രി താപനില ഇന്നലെ വര്ധിച്ചിട്ടുണ്ട്. രാത്രി താപനിലയില് ഏറ്റവും കൂടുതല് ചൂട് കാസര്കോട്ടാണ്. ഇവിടെ ശരാശരിയേക്കാള് രണ്ടു ഡിഗ്രി ചൂട് കൂടുതലാണ്. കണ്ണൂരിലും കോഴിക്കോട്ടും ഓരോ ഡിഗ്രിയും ചൂട് കൂടുതലാണ്. അതേസമയം, വേനല്മഴ ലഭിച്ച തെക്കന് ജില്ലകളില് രാത്രി താപനില ശരാശരിയോ അതില് കുറവോ ആണ്. ആലപ്പുഴയില് ശരാശരിയേക്കാള് ഒരു ഡിഗ്രി കൂടുതലും കോട്ടയത്ത് ശരാശരിയും പുനലൂരില് ശരാശരിയേക്കാള് രണ്ട് ഡിഗ്രി കുറവുമാണ് രാത്രി താപനില.
Photo- Ivin Varughese Mathew
നിങ്ങളുടെ പ്രദേശത്തെ കാലാവസ്ഥാ പ്രവചനം ലൊക്കേഷന് അടിസ്ഥാനമാക്കി കൂടുതല് കൃത്യതയോടെ അറിയാന് ഞങ്ങളുടെ മൊബൈല് ആപ്പ് ഇന്സ്റ്റാള് ചെയ്യുക. അതിനായി ഇവിടെ ക്ലിക്ക് ചെയ്യുക.
Comments