April 1, 2021, 4:52 p.m.

Metbeat Weather Desk
വേനലില്‍ ശേഷിക്കുന്ന രണ്ടു മാസം (ഏപ്രില്‍, മെയ്) കേരളത്തില്‍ ശരാശരിയേക്കാള്‍ കുറഞ്ഞ ചൂടായിരിക്കും അനുഭവപ്പെടുകയെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. മാര്‍ച്ച് മുതല്‍ മെയ് വരെയും ശരാശരിയില്‍ താഴെ ചൂടായിരിക്കുമെന്നായിരുന്നു കഴിഞ്ഞ മാസത്തെ പ്രവചനം. പുതിയ ഡാറ്റകള്‍ അടിസ്ഥാനമാക്കിയുള്ള പ്രവചനത്തിലും ശരാശരി താപനിലയേക്കാള്‍ ചൂട് കൂടുന്ന സാഹചര്യമില്ല. വടക്കുപടിഞ്ഞാറ് സംസ്ഥാനങ്ങളിലും ചില വടക്കുകിഴക്ക് സംസ്ഥാനങ്ങളിലുമാണ് ചൂട് കൂടുക. ദക്ഷിണേന്ത്യയിലെ മിക്ക സംസ്ഥാനത്തും ശരാശരി താപനില പതിവിലും കുറവാണ് അനുഭവപ്പെടുക.  രാത്രികാല താപനിലയിലും കേരളത്തില്‍ വര്‍ധനവില്ല.  സീസണ്‍ ശരാശരി താപനിലയാകും ഈ കാലത്ത് അനുഭവപ്പെടുക. ദക്ഷിണേന്ത്യയില്‍ ഏറ്റവും കുറവ് ചൂട് അനുഭവപ്പെടുക കേരളത്തിലാണ്. സാധാരണയേക്കാള്‍ 0.42 ഡിഗ്രിയുടെ കുറവാണ് കേരളത്തില്‍ പ്രതീക്ഷിക്കുന്നത്. തമിഴ്‌നാട്ടില്‍ 0.17 ഡിഗ്രിയുടെ കുറവും കര്‍ണാടകയില്‍ 0.44 ഡിഗ്രിയുടെ കുറവുമാണ് പ്രതീക്ഷിക്കുന്നത്. ഇത്തവണ ഏറ്റവും കൂടുതല്‍ ചൂട് പ്രതീക്ഷിക്കുന്നത് ഡല്‍ഹിയിലാണ്. 0.62 ഡിഗ്രി ചൂടാണ് ഡല്‍ഹിയില്‍ അധികമായി  കൂടുക. 
നിങ്ങളുടെ പ്രദേശത്തെ കാലാവസ്ഥാ പ്രവചനം ലൊക്കേഷന്‍ അടിസ്ഥാനമാക്കി കൂടുതല്‍ കൃത്യതയോടെ അറിയാന്‍ ഞങ്ങളുടെ മൊബൈല്‍ ആപ്പ് ഇന്‍സ്റ്റാള്‍ ചെയ്യുക. അതിനായി ഇവിടെ ക്ലിക്ക് ചെയ്യുക.