WEATHER NEWS AND ANALYSIS
മാര്ച്ചില് മഴ ചാറിയത് കൊല്ലത്ത് മാത്രം, ആലപ്പുഴ, കോട്ടയം ചൂട് കൂടുന്നു
March 5, 2021, 11:58 a.m.
Metbeat Weather Desk
ഈ വര്ഷത്തെ വേനല്മഴ ആദ്യം രേഖപ്പെടുത്തിയത് കൊല്ലം ജില്ലയില്. മറ്റു ജില്ലകളിലൊന്നും മഴ ലഭിച്ചില്ല. മാര്ച്ച് മുതല് മെയ് മാസം വരെ പെയ്യുന്ന മഴയാണ് വേനല്മഴയുടെ കണക്കില് പെടുത്തുന്നത്. കേന്ദ്ര കാലാവസ്ഥാ വകുപ്പിന്റെ കണക്ക് പ്രകാരം മാര്ച്ച് 1 മുതല് 5 വരെ സംസ്ഥാന വ്യാപകമായി 97 ശതമാനം മഴക്കുറവുണ്ട്. ഫെബ്രുവരി 28 ന് അവസാനിച്ച ശീതകാല മഴ സീസണില് 410 ശതമാനം മഴക്കൂടുതലുണ്ടായിരുന്നു. മാര്ച്ച് 1 മുതല് 5 വരെ സംസ്ഥാനത്ത് ലഭിക്കേണ്ടത് ശരാശരി 2.5 മില്ലീ മീറ്റര് മഴയാണ്. എന്നാല് ഇതുവരെ 0.1 മില്ലി മീറ്റര് മഴയാണ് രേഖപ്പെടുത്തിയത്.
മഴ ചാറിയത് കൊല്ലത്ത് മാത്രം, ആലപ്പുഴ, കോട്ടയം ചൂട് കൂടുന്നു
കൊല്ലം ജില്ലയില് മാത്രമാണ് മഴ റിപ്പോര്ട്ട് ചെയ്തത്. ഈ കാലയളവില് ജില്ലയില് 6.7 എം.എം മഴ ലഭിക്കേണ്ടതിനു പകരം 1.3 എം.എം മഴ ലഭിച്ചു. ജില്ലയില് മഴക്കുറവ് 80 ശതമാനമാണ്. മറ്റു ജില്ലകളും കേന്ദ്രഭരണ പ്രദേശങ്ങളായ മാഹി, ലക്ഷദ്വീപ് എന്നിവിടങ്ങളിലും മഴക്കുറവ് 100 ശതമാനമായി തുടരുകയാണ്. അതിനിടെ, സംസ്ഥാനത്ത് ഈ ആഴ്ചയും വരണ്ട കാലാവസ്ഥ തുടരും. കോട്ടയത്തും ആലപ്പുഴയിലും ചൂട് കൂടുന്ന സാഹചര്യം തുടരുകയാണ്. കോട്ടയത്ത് ഇന്നലെയും 37 ഡിഗ്രി സെല്ഷ്യസ് രേഖപ്പെടുത്തി. ആലപ്പുഴയില് 36.8 ഡിഗ്രിയും രേഖപ്പെടുത്തി. കോട്ടയത്ത് ദിന്തരീക്ഷ ശരാശരിയേക്കാള് മൂന്നു ഡിഗ്രിയും ആലപ്പുഴയില് നാലു ഡിഗ്രിയും കൂടുതലാണ് ഇപ്പോള് രേഖപ്പെടുത്തിയ താപനില.
ലോകത്തെവിടെയും അതതു പ്രദേശത്തെ അന്തരീക്ഷസ്ഥിതി (Weather), അടുത്ത 15 ദിവസം വരെയുള്ള പ്രവചനം എന്നിവ അറിയാന് Metbeat Weather Android App ഡൗണ്ലോഡ് ചെയ്ത് ഇന്സ്റ്റാള് ചെയ്യാം. അതിനായി ഇവിടെ ക്ലിക്ക് ചെയ്യാം.
Comments