WEATHER NEWS AND ANALYSIS
ഓഗസ്റ്റില് മഴ ശക്തിപ്പെട്ടേക്കും, സാധാരണയില് കൂടുതല് മഴ സാധ്യത
July 26, 2020, 5:28 p.m.
Metbeat Weather Desk
അടുത്തമാസം സംസ്ഥാനത്ത് കാലവര്ഷം ശക്തിപ്പെട്ടേക്കും. ബംഗാള് ഉള്ക്കടലില് ന്യൂനമര്ദസാധ്യതയും മറ്റു പ്രതിഭാസങ്ങളും മഴക്ക് അനുകൂലമാകും. എന്നാല് മഴയുടെ ശക്തി, സ്വഭാവം തുടങ്ങിയ കാര്യങ്ങള് ഈ ഘട്ടത്തില് വ്യക്തമല്ല. ബംഗാള് ഉള്ക്കടിലില് ഓഗസ്റ്റില് ഒന്നിലധികം ന്യൂനമര്ദങ്ങള് രൂപപ്പെടാന് സാധ്യതയുണ്ട്. ആദ്യ ന്യൂനമര്ദം ആദ്യവാരത്തില് വടക്കന് ബംഗാള് ഉള്ക്കടലില് രൂപപ്പെടാനാണ് സാധ്യത. ഇതുമായി ബന്ധപ്പെട്ട് ഔദ്യോഗിക സ്ഥിരീകരണം ഇതുവരെയില്ല. എന്നാല് വിവിധ ഏജന്സികള് ന്യൂനമര്ദ സൂചന നല്കുന്നുണ്ട്. മെയ് മാസത്തിലെ മണ്സൂണ് അവലോകനത്തില് വ്യക്തമാക്കിയതുപോലെ ഓഗസ്റ്റിലും സെപ്തംബറിലും കേരളത്തില് സാധാരണയില് കൂടുതല് മഴ ലഭിക്കാനാണ് സാധ്യത. ന്യൂനമര്ദം എവിടെ രൂപപ്പെടുമെന്നും ഏതുദിശയില് സഞ്ചരിക്കുന്നുവെന്നും അടിസ്ഥാനമാക്കിയേ കേരളത്തിലെ മഴസാധ്യത പ്രവചിക്കാന് കഴിയൂ. നിലവില് ഭീതിതമായ സാഹചര്യം നിലനില്ക്കുന്നില്ലെങ്കിലും കാലാവസ്ഥാ മുന്നറിയിപ്പുകള് അവഗണിക്കരുത്.
അടുത്ത 2 ദിവസം മഴ കുറയും
സംസ്ഥാനത്ത് ബുധന് വരെ മഴ കുറയും. ഒറ്റപ്പെട്ട പ്രദേശങ്ങളില് അധികനേരം നീണ്ടു നില്ക്കാത്ത മഴ പ്രതീക്ഷിക്കാം. ബുധനാഴ്ച മുതല് 3 ദിവസം മിക്ക ജില്ലകളിലും മഴസാധ്യത.
Advt- ആമസോണ് ഉല്പന്നങ്ങള് ഓഫര് വിലയില് ലഭിക്കാന് ഇവിടെ ക്ലിക്ക് ചെയ്യുക .
Photo- Nidheesh Krishnan
Comments