കേരളത്തില് മഴ കുറയും, വടക്കുകിഴക്കന് സംസ്ഥാനങ്ങളില് പ്രളയഭീഷണി
Metbeat Weather Desk
കാലവര്ഷത്തിന്റെ കിഴക്കന് ഭാഗം ഹിമാലയന് മേഖലയിലെത്തിയതോടെ ഇന്നു മുതല് നാലു ദിവസത്തേക്ക്
കേരളത്തില് മഴ കുറയും. ഒറ്റപ്പെട്ട മഴ ലഭിക്കുമെന്നല്ലാതെ മണിക്കൂറുകള് നീണ്ടു നില്ക്കുന്ന കനത്തമഴ സാധ്യത കുറഞ്ഞു. അതേസമയം, വടക്കുകിഴക്കന് സംസ്ഥാനങ്ങളില് അടുത്ത നാലു ദിവസം പ്രളയഭീഷണിയും മണ്ണിടിച്ചിലും ഉരുള്പൊട്ടല് സാധ്യതയും വര്ധിക്കും. ഈ മേഖലകളിലേക്ക് യാത്ര ചെയ്യുന്നവര് കാലാവസ്ഥാ മുന്നറിയിപ്പുകള് കര്ശനമായി പാലിക്കണമെന്ന് മെറ്റ്ബീറ്റ് വെതര് അഭ്യര്ഥിക്കുന്നു.
കേരളത്തിലെ മഴ സാധ്യത
ഇന്നും നാളെയും സംസ്ഥാനത്ത് ചിലയിടങ്ങളില് ഒറ്റപ്പെട്ട ഇടത്തരം മഴക്ക് സാധ്യത. കാസര്കോട്, കണ്ണൂര് ജില്ലകളിലെ ചില മേഖലകളില് ഒറ്റപ്പെട്ട ശക്തമായ മഴസാധ്യത. കോഴിക്കോട് ജില്ലയിലെ പേരാമ്പ്ര, കുറ്റ്യാടി മേഖലകള്, തൃശൂര് ജില്ലയുടെ തീരദേശം, എറണാകുളം, ഇടുക്കി, ആലപ്പുഴ ജില്ലയുടെ തെക്ക് മേഖലകളില് ഒറ്റപ്പെട്ട ഇടത്തരം മഴ പ്രതീക്ഷിക്കാം.
ചൊവ്വാഴ്ച മുതല് കണ്ണൂര്, കാസര്കോട്, ഇടുക്കി ജില്ലകളില് ഒറ്റപ്പെട്ട ഇടത്തരം മഴ പ്രതീക്ഷിക്കാം. മറ്റു ജില്ലകളില് ചാറ്റല് മഴയോ മൂടിക്കെട്ടിയ അന്തരീക്ഷമോ ഇടയ്ക്ക് വെയിലോ പ്രതീക്ഷിക്കണം. തെക്കന് ജില്ലകളിലെ മലയോരം, വനമേഖലകളോട് ചേര്ന്ന പ്രദേശങ്ങള് എന്നിവിടങ്ങളില് വൈകുന്നേരമോ രാത്രിയോ ഇടിയോടുകൂടെയുള്ള മഴയ്ക്കും സാധ്യതയുണ്ട്.
കടലില് മഴ സാധ്യത
കേരള തീരത്ത് മത്സ്യത്തൊഴിലാളികള്ക്ക് മുന്നറിയിപ്പില്ലെങ്കിലും കര്ണാടക, ലക്ഷദ്വീപ് തീരങ്ങളില് കാറ്റിന്റെ വേഗത 50 കി.മി ആകാന് സാധ്യതയുള്ളതിനാല് നാളെ വരെ മത്സ്യത്തൊഴിലാളികള് കടലില് പോകുന്നത് കാലാവസ്ഥാ വകുപ്പ് വിലക്കിയിട്ടുണ്ട്. ഇന്നും നാളെയും കടലില് ശക്തമായ മഴക്ക് സാധ്യതയുണ്ട്. കന്യാകുമാരി കടലിലും കാറ്റിന് സാധ്യതയുള്ളതിനാല് മത്സ്യബന്ധന വിലക്കുണ്ട്.
തമിഴ്നാട്ടില് മഴ സാധ്യത
ഇന്നു മുതല് തമിഴ്നാട്ടിലെ തെക്കു, വടക്ക് മേഖലകളില് വൈകുന്നേരങ്ങളില് ഇടിയോടുകൂടെ മഴക്ക് സാധ്യത. കാലവര്ഷ കാറ്റിന് ശക്തി കുറഞ്ഞതോടെ കാറ്റിന്റെ അഭിസരണം രൂപപ്പെടുന്നതിനാലാണിത്. സേലം, മധൂരൈ, ഈറോഡ്, തിരുച്ചി, നാഗപട്ടണം, ചെന്നൈ മേഖലകളിലാണ് മഴ സാധ്യത. കര്ണാടകയിലും ഒറ്റപ്പെട്ട മഴക്ക് സാധ്യതയുണ്ട്. കര്ണാടകയുടെ തീരപ്രദേശത്ത് കനത്തമഴക്കും ബംഗളൂരു, മൈസൂരു, ഹൊസൂര് മേഖലകളില് വൈകിട്ട് ഇടിയോടു കൂടെയുള്ള മഴയും അടുത്ത ദിവസങ്ങളില് പ്രതീക്ഷിക്കാം.
വടക്കുകിഴക്കന് ഇന്ത്യയില് പ്രളയ സാധ്യത
മണ്സൂണ് ട്രഫ് ഹിമാലയന് മേഖലയില് തുടരുന്നതിനോടൊപ്പം ബംഗാള് ഉള്ക്കടലില് നിന്നുള്ള ഈര്പ്പ സാന്നിധ്യം കൂടിയ കാറ്റും പ്രവഹിക്കുന്ന സാഹചര്യം അടുത്ത നാലു ദിവസം ഈ മേഖലയില് പ്രളയസമാന മഴക്ക് ഇടയാക്കും. ബംഗാള്, ഹിമാലയന് താഴ്്വര, സിക്കിം, അസം, ബിഹാര് സംസ്ഥാനങ്ങളിലാണ് കനത്തമഴ സാധ്യത.
ഗള്ഫിലും മഴസാധ്യത
യു.എ.ഇയില് രൂപപ്പെട്ട ന്യൂനമര്ദം കാരണം ഗള്ഫിലും മഴ ലഭിച്ചേക്കും. ഒമാന്, സൗദി രാജ്യങ്ങളില് ഒറ്റപ്പെട്ട മഴസാധ്യത. യു.എ.ഇയില് ചില മേഖലകളില് മേഘാവൃതമാകും. ചൂട് കൂടും. സൗദിയുടെ കിഴക്കന് മേഖലകളിലാണ് മഴസാധ്യത. യമന്, സൊമാലിയ, മാലദ്വീപ് രാജ്യങ്ങളിലും കനത്തമഴക്ക് സാധ്യതയുണ്ട്.
Photo- Bineesh Cleetus
Advt- ആമസോണ് ഉല്പന്നങ്ങള് ഓഫര് വിലയില് ലഭിക്കാന് ഇവിടെ ക്ലിക്ക് ചെയ്യുക .
Comments